Bakı. Trend:
Azərbaycan və Moldova arasında bərpaolunan enerji sahəsində əməkdaşlıq imkanları müzakirə olunub.
Trend xəbər verir ki, bu barədə iqtisadiyyat naziri Mikayıl Cabbarov "X" hesabında paylaşım edib.
"Moldovanın energetika naziri Dorin Junqetu ilə görüş zamanı ölkələrimizin iqtisadi sektorda birgə fəaliyyəti, Azərbaycanın bərpaolunan enerji sahəsində layihələri və təşəbbüsləri çərçivəsində əməkdaşlıq imkanları barədə müzakirələr apardıq", - o bildirib.
Qeyd edək ki, görüş Bakıda keçirilən Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclasları çərçivəsində baş tutub.