Bakı. Trend:
ABŞ administrasiyasının rəsmilərinin Qrenlandiyalılara qarşı bəyanatları hörmətsizlikdən xəbər verir.
Trend-in məlumatına görə, bu barədə Qrenlandiyanın gələcək baş naziri Yens-Frederik Nilsen deyib.
"Biz insanıq, kiminsə alınacaq malı deyilik. Həmişə əməkdaşlıqdan danışmaq mümkündür, ancaq ilhaqdan danışmaq qəbuledilməzdir. Bu, hörmətsizlik əlamətidir", - deyə o bildirib.
Bir müddət əvvəl ABŞ dövlət katibi Marko Rubio Qrenlandiyalıların Danimarkadan müstəqillik istəməsi barədə fikirlərini bildirərək, ABŞ-nin müdaxiləyə və onlara assosiasiya təklif etməyə hazır olduğunu qeyd edib.
"O, haqlıdır ki, Qrenlandiya Danimarkanın tərkbində olmaq istəmir, amma səhv edir ki, Qrenlandiya elə sabah müstəqil olmaq istəyir. Bununla belə, Qrenlandiya da Amerikanın olmaq istəmir", - deyə o, M.Rubionun sözlərinin şərh edərkən bildirib.