Bakı. Trend:
2021-ci ildən 2024-cü ilədək Azərbaycan Cənub Qaz Dəhlizi ilə ixrac olunan qaz həcmlərinin 57% artırılmasına nail olub.
Trend xəbər verir ki, bunu bu gün Bakıda Cənub Qaz Dəhlizi və Yaşıl Enerji Məşvərət şuraları çərçivəsində keçirilən mətbuat konfransında Azərbaycanın energetika naziri Pərviz Şahbazov deyib.
“Cənub Qaz Dəhlizinin genişləndirilməsi perspektivləri müzakirə olundu. Azərbaycanın kifayət qədər qaz ehtiyatları var və qaz yataqlarında işlər davam etdirilir. 2021-ci ildən 2024-cü ilə qədər Azərbaycan Cənub Qaz Dəhlizi ilə ixrac olunan qaz həcmlərinin 57 faiz artırılmasına nail olub. Bu çox böyük nailiyyətdir. Yeni qaz təchizatının əldə edilməsi üçün Avropa ilə daha çox əməkdaşlığa ehtiyac var”, - deyə nazir qeyd edib.