Bakı. Trend:
Avropanın biznes dairələri və investorları Azərbaycanın sürətlə inkişaf edən bərpaolunan enerji sektoruna böyük maraq göstərir.
Trend xəbər verir ki, bunu Avropa Komissiyasının enerji məsələləri üzrə komissarı Dan Yorgensen Bakıda keçirilən “yaşıl” enerji üzər Məşvərət Şurasının 3-cü nazirlər iclasında bildirib
“Azərbaycanın bərpaolunan enerji sektorunun dinamik inkişafına həm regional tərəfdaşlar, həm də Avropa biznes dairələri və investorları tərəfindən konkret maraq mövcuddur. Bu isə regional qarşılıqlı əlaqələrin genişlənməsi, bazarların inteqrasiyası və təmiz texnologiyalar sahəsində əlavə dəyər zəncirlərinin yaradılması üçün geniş imkanlar açır”,- deyə o vurğulayıb.
Qeyd edək ki, bu gün Bakıda Cənub Qaz Dəhlizi üzrə Məşvərət Şurasının 11-ci və “Yaşıl Enerji” üzrə Məşvərət Şurasının 3-cü nazirlər iclası keçirilir.
İclasda 24 ölkə, 7 beynəlxalq maliyyə institutu və 42 enerji şirkəti, həmçinin nazirlər, nazir müavinləri və digər yüksək səviyyəli rəsmilər iştirak edirlər.