Bakı. Trend:
Azərbaycan bank sektorunun "yaşıl maliyyə"ləşməyə ayırdığı kreditin həcmi 450 milyon manatı ötüb.
Bunu Azərbaycan Banklar Assosiasiyasının (ABA) prezidenti Zakir Nuriyev Zəfər Günü ilə bağlı keçirilən ağacəkmə aksiyasında Trend-ə açıqlamasında deyib.
Onun sözlərinə görə, 2025-ci ili və 2026-cı ilin ilk 6 ayını əhatə edən 18 ay ərzində "yaşıl maliyyə"ləşmə çərçivəsində 1 178 kreditləşmə üzrə ümumilikdə 450 milyon manat kredit ayrılıb.
"Azərbaycanın "yaşıl maliyyə"ləşmə üzrə qarşısına qoyduğu hədəf 2 milyard manat olaraq dəyişilməz qalır", - deyə o əlavə edib.
Xatırladaq ki, Azərbaycanın bank sektoru 2030-cu ilə qədər 2 milyard manatlıq könüllü öhdəlik götürüb və bu, COP29 tədbirində elan edilib.
