Bakı. Trend:
Hazırda Bakı Şəhər İcra Hakimiyyətinin işçiləri köçürülmə-abadlıq işlərinin aparılması üçün Yasamal rayonunda, Dövlət Akademik Milli Dram Teatrının sağ istiqamətində və Nizami küçəsi ilə Təzəpir məscidi arasındakı ərazilərdəki ərazisində ölçmə işləri aparılır.
Bu barədə Trend-ə Bakı Şəhər İcra Hakimiyyətindən məlumat verilib.
Qeyd edək ki, Bakı şəhərinin bəzi ərazilərində köhnə tikililərin, yaşayış və qeyri-yaşayış obyektlərin köçürülməsi, söküntü və abadlıq işlərinin həyata keçirilməsi nəzərdə tutulur.
Məlumata görə, söküntü işləri istismar müddəti başa çatan və tarixi əhəmiyyət daşımayan əsasən qəzalı vəziyyətdə və aşınma dərəcəsi olduqca yüksək olan bina və tikililəri əhatə edir.