Bakı. Trend:
ABŞ Ukraynaya silah yardımı və kəşfiyyat məlumatları ilə dəstəyi davam etdirəcək.
Trend xarici KİV-lərə istinadən xəbər verir ki, bu barədə NATO baş katibi Mark Rütte deyib.
Onun sözlərinə görə, Amerika tərəfi Brüsseldə keçirilməli olan Ukrayna üzrə təmas qrupunun toplantısında iştirak etməsə belə, Amerikadan Ukraynaya “silah axınları” dayanmayacaq.
Qeyd edilir ki, bundan əvvəl NATO mətbuat xidməti aprelin 11-də Almaniya və Böyük Britaniyanın həmsədrliyi ilə Ukrayna üzrə təmas qrupunun toplantısının keçiriləcəyini elan etmişdi.