Bakı. Trend:
Şimali Makedoniya Azərbaycanla tərəfdaşlıq sayəsində Avropa enerji bazarının sabitliyinə töhfə verir.
Trend xəbər verir ki, bunu Şimali Makedoniyanın enerji, dağ-mədən və mineral ehtiyatlar nazirinin müavini Miroslav Labudoviç Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.
“Şimali Makedoniya yeni enerji gələcəyinə hazırdır. Yeni qaz interkonnektorlarının tikintisi və Azərbaycanla tərəfdaşlıq sayəsində biz həm mühüm regional oyunçu kimi mövqelərimizi möhkəmləndiririk, həm də Avropa enerji bazarının sabitliyinə və təhlükəsizliyinə birbaşa töhfə veririk", - o bildirib.