Bakı. Trend:
Birləşmiş Krallıq Azərbaycanın Avropanın enerji təhlükəsizliyinin təminatında rolunu və mürəkkəb dövrlərdə Avropaya etibarlı enerji təchizatı ilə bağlı töhfəsini yüksək qiymətləndirir.
Trend xəbər verir ki, bunu Böyük Britaniyanın Azərbaycandakı səfiri Ferqus Auld Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.
O, çıxışında bunları qeyd edib: "Cənub Qaz Dəhlizi Məşvərət Şurası nazirlər görüşünü təşkil etdiyinə görə Azərbaycana təşəkkürümü bildirmək istəyirəm. Bu görüş enerji təhlükəsizliyi sahəsindəki çağırışların həlli və iqtisadi inkişaf imkanlarının müzakirəsi üçün mühüm platforma olaraq qalmaqdadır".