Bakı. Trend:
Qəzza zolağının cənubundan gələn insanların məcburi köçkürülməsi əmrləri ilə bağlı xəbərlər dərin narahatlıq doğurur.
Trend-in məlumatına görə, bu barədə cümə günü Böhranların İdarə Edilməsi üzrə Avropa Komissiyasının üzvü Aja Labib bildirib.
"140 mindən çox insan məcburi köçkünə məruz qalır. Dinc sakinlər atəş altında qaçırlar. Qəzza sakinlərinin iztirablarına son qoyulmalıdır. Atəşkəs pozulduqdan sonra 300-dən çox uşaq həlak olub. İsrailin bir aydır davam edən humanitar yardım blokadası yüz minlərlə insanın həyatını təhdid edir. Dünya Ərzaq Proqramı ehtiyatlarının tezliklə tükənəcəyini açıqlayıb", - deyə o bildirib.
Onun sözlərinə görə, Qəzza sakinləri yolverilməz səviyyələrdə ölüm, xəstəlik, dağıntı və aclıqla üzləşirlər.
Qeyd edək ki, martın sonunda İsrail ordusu Qəzza zolağının cənubundakı Rəfah şəhəri və ətraf rayonların sakinlərinə ərazini tərk etmələri ilə bağlı xəbərdarlıq edib.