Bakı. Trend:
Azərbaycan Dövlət Neft Şirkəti (SOCAR) ilə Rumıniya arasında təbii qaz təchizatı və nəqli məsələləri müzakirə edilib.
Trend xəbər verir ki, bu barədə SOCAR-ın prezidenti Rövşən Nəcəf “X” sosial şəbəkə hesabında paylaşım edib.
“Rumıniyanın energetika naziri Sebastian Burduja ilə keçirilən görüşdə Azərbaycan və Rumıniya arasında yüksəksəviyyəli ikitərəfli münasibətləri xüsusi olaraq qeyd etdik. Görüş çərçivəsində SOCAR-ın Rumıniyadakı fəaliyyəti, təbii qaz təchizatı və nəqli, habelə qarşılıqlı maraq doğuran digər məsələlər ətrafında fikir mübadiləsi apardıq”, - deyə paylaşımda qeyd edilib.
