Bakı. Trend:
Avropa Yenidənqurma və İnkişaf Bankı (AYİB) Azərbaycanda 1,2 giqavatlıq bərpa olunan enerji layihələrini maliyyələşdirib.
Trend xəbər verir ki, bunu Bakıda keçirilən Yaşıl Enerji Məşvərət Şurasının Nazirlərinin 3-cü Toplantısı zamanı bankın İqlim Strategiyası və Tətbiqi üzrə İdarəedici Direktoru Harri Boyd-Karpenter deyib.
“Biz fəxr edirik ki, üç yüksəksəviyyəli tərəfdaşla - SOCAR Green, ACWA Power və Masdar əməkdaşlıq çərçivəsində Azərbaycanda 1,2 giqavatlıq bərpa olunan enerji layihələrini maliyyələşdirmişik”, - deyə o bildirib.
Qeyd edək ki, bu gün Bakıda Cənub Qaz Dəhlizi Məşvərət Şurasının nazirlərin 11-ci iclası və Yaşıl Enerji Məşvərət Şurasının nazirlərinin 3-cü iclası keçirilir.
İclasda 24 ölkə, 7 beynəlxalq maliyyə institutu və 42 enerji şirkəti, eləcə də nazirlər, nazir müavinləri və digər yüksək səviyyəli nümayəndələr iştirak edir.