Bakı. Trend:
Cari ilin fevral ayının sonuna olan məlumata görə, Azərbaycanda mədənçıxarma sektorunda fəaliyyət göstərən hüquqi şəxslərə verilən kreditlərin həcmi 394 milyon manat olub.
Trend bu barədə Azərbaycan Mərkəzi Bankından məlumat əldə edib.
Məlumata görə, bu göstərici əvvəlki ayın sonu ilə müqayisədə 32,2 milyon manat və ya 7,55% azdır.
Belə ki, yanvarın sonunda Azərbaycanda mədənçıxarma sektorunda fəaliyyət göstərən hüquqi şəxslərə verilən kreditlərin həcmi 426,2 milyon manat idi.
Qeyd edək ki, ümumilikdə, Azərbaycanda real sektora kredit qoyuluşu üzrə kredit portfeli 29,4 milyard manat təşkil edib.
Bu da aylıq müqayisədə 77,6 milyon manat və ya 0,3% artım deməkdir.