Bakı. Trend:
Cari ilin fevral ayı ərzində kartlar vasitəsilə həyata keçirilən ölkədaxili nağdsız ödənişlərin həcmi 7,133 milyard manat təşkil edib.
Trend bu barədə Azərbaycan Mərkəzi Bankından məlumat əldə edib.
Məlumata görə, həyata keçirilən nağdsız ödənişlərin 918 milyon manatı POS-terminallar vasitəsilə gerçəkləşdirilib.
Bu göstərici ötən ilin eyni dövrü ilə müqayisədə 21 milyon manat və ya 2,3% çoxdur.
Belə ki, ötən ilin eyni dövründə həyata keçirilən nağdsız ödənişlərin 897 milyon manatı POS-terminallar vasitəsilə gerçəkləşdirilib.
Qeyd edək ki, bu ilin fevral ayı ərzində həyata keçirilən nağdsız ödənişlərin 6,210 milyard manatı elektron ticarətin payına düşür. Qalan məbləğin 3.3 mln. manatı isə özünə xidmət terminalları vasitəsilə gerçəkləşdirililib. İlin əvvəlindən ödəniş kartları ilə nağdsız ölkədaxili əməliyyatların həcmi ölkədaxili kart əməliyyatlarının 67.5%-ni təşkil edib.