Bakı. Trend:
İtaliyanın Siciliya adasında yerləşən Avropanın ən hündür və aktiv vulkanı olan Etna yenidən oyanıb.
Trend xəbər verir ki, vulkan kül və lava püskürməyə başlayıb. Cənub-şərq kraterindən güclü lava axını müşahidə olunub. Hündürlüyü təxminən 3330 metr olan Etnanın püskürdüyü kül və toz dumanı vulkanın şərq hissəsində geniş əraziyə yayılıb.
İtaliyanın Milli Geofizika və Vulkanologiya İnstitutunun Kataniya bölməsi bölgədə hava nəqliyyatı üçün qırmızı kod xəbərdarlığı edib.
Qeyd edək ki, Etna vulkanı ildə bir neçə dəfə fəallaşır və mütəmadi püskürmələri ilə tanınır.