...

Azərbaycan, Belqradda keçiriləcək EXPO-2027 sərgisində iştirakını təsdiqləyib

Siyasət Materials 4 Aprel 2025 02:00 (UTC +04:00)
Azərbaycan, Belqradda keçiriləcək EXPO-2027 sərgisində iştirakını təsdiqləyib
İnqilab Məmmədov
İnqilab Məmmədov
Bütün xəbərlər

Bakı. Trend:

Azərbaycan rəsmi olaraq 2027-ci ilin 15 may – 15 avqust tarixlərində Serbiya paytaxtı Belqradda keçiriləcək EXPO-2027 sərgisində iştirakını təsdiqləyib. Sərgi “Bəşəriyyət üçün oyun: hamı üçün idman və musiqi” şüarı altında təşkil olunacaq.

Trend xəbər verir ki, bu barədə Serbiya işgüzar nəşri "Serbia Business" məlumat yayıb.

Azərbaycan zəngin mədəni irsi ilə tanınır. Ölkə xalq rəqsləri, çövqan kimi ənənəvi oyunlar, tar, kamança və saz kimi musiqi ənənələri və alətləri ilə seçilir. Eyni zamanda, Azərbaycan idmanda, xüsusilə güləş, cüdo və şahmatda əldə etdiyi uğurlarla da tanınır.

Nəşr həmçinin qeyd edib ki, EXPO-2027 sərgisi Qərbi Balkanlar üçün əhəmiyyətli bir hadisə olacaq və Azərbaycan ilə Serbiya arasında əlaqələrin möhkəmlənməsinə töhfə verəcək. Sərgidə 120-dən çox ölkə və təşkilat təmsil olunacaq, onun 4 milyondan çox ziyarətçisi olması gözlənilir.

Xəbər lenti

Xəbər lenti