Bakı. Trend:
Aprelin 3-də Səmərqənd sammiti çərçivəsində Özbəkistan Prezidenti Şavkat Mirziyoyev Avropa İttifaqının Prezidenti Antoniu Koşta və Avropa Komissiyasının Prezidenti Ursula fon der Lyayenlə görüşüb.
Trend xəbər verir ki, görüşdə ticarət-iqtisadi və investisiya sahələrində Özbəkistan–Avropa əməkdaşlığının inkişafı və dərinləşdirilməsi müzakirə olunub.
Danışıqlar zamanı əsas diqqət innovasiya, yaşıl enerji, mədən sənayesi, kənd təsərrüfatı, nəqliyyat, logistika və rəqəmsallaşdırma kimi sahələrdə birgə proqram və layihələrə yönəldilib.
Tərəflər, həmçinin, “Mərkəzi Asiya – Avropa İttifaqı” formatında keçiriləcək ilk ali səviyyəli sammitin gündəliyini müzakirə ediblər. Bundan əlavə, beynəlxalq və regional siyasətin aktual məsələləri, o cümlədən Əfqanıstanın sosial-iqtisadi inkişafına dəstək mövzusu ətrafında fikir mübadiləsi aparılıb.