Bakı. Trend:
Kanada hökuməti Şimali Amerika ticarət müqaviləsi USMCA (CUSMA) ilə əhatə olunmayan bütün ABŞ avtomobil idxalına 25% rüsum tətbiq edəcək.
Trend xəbər verir ki, bu barədə aprelin 3-də Baş nazir Mark Karni məlumat verib.
"Kanada ABŞ-nin tariflərinə cavab verəcək. Amerika tərəfinin yanaşmasına uyğun olaraq, Kanada ABŞ-dən idxal edilən və USMCA ticarət sazişinə uyğun gəlməyən bütün avtomobillərə 25% rüsum tətbiq edir", – deyə o bildirib.
O əlavə edib ki, ABŞ Prezidenti Donald Trampın tarif siyasəti konkret olaraq Kanadaya yönəlməsə də, qlobal iqtisadiyyata mənfi təsir edəcək və dünya iqtisadi artımını zəiflədəcək.
Kanada hökuməti hesab edir ki, yeni idxal tarifləri Trampın birinci prezidentlik dövründə apardığı ticarət danışıqlarına və əldə etdiyi razılaşmalara ziddir.