Bakı. Trend:
Bu ilin mart ayında “Android” əməliyyat sisteminin Azərbaycan bazarında payı əvvəlki ayla müqayisədə 0,33 faiz bəndi azalaraq 59,5 faiz təşkil edib.
Bu barədə Trend “Global Stats” Statistika Mərkəzindən məlumat əldə edib.
Məlumata əsasən, Azərbaycanın əməliyyat sistemi bazarında ikinci yeri “Microsoft Windows” proqram məhsulları tutur.
Belə ki, cari ilin fevral ayı ilə müqayisədə martda “Microsoft Windows” əməliyyat sisteminin ölkə üzrə bazar payının həcmi 1,18 faiz bəndi azalaraq 19,52 faizə bərabər olub.
Üçüncü mövqedə 14,16 faiz bazar payı ilə iOS əməliyyat sistemi qərarlaşıb. Bu əməliyyat sisteminin ölkə üzrə bazar payı cari ilin fevral ayı ilə müqayisədə mart ayında 0,44 faiz bəndi artıb.
Digər əməliyyat sistemləri üzrə olan pay bölgüsü: “OS X” – 1,69 faiz, “Linux” – 1,57 faiz, naməlum əməliyyat sistemləri – 2,69 faiz, “Samsung” – 0,42 faiz, “Chrome O” – 0,01 faiz, “macOS” – 0,43 faiz, digərləri – 0,02 faiz.