Bakı. Trend:
Polşa Ukraynaya əlavə olaraq 5 min "Starlink" terminalı köçürüb. Bu addım, mühüm infrastruktur obyektləri və cəbhəyanı ərazilərdə etibarlı rabitə təmin etmək məqsədi daşıyır.
Trend “RBC-Ukrayna”ya istinadən xəbər verir ki, bu barədə Ukraynanın rəqəmsal transformasiya naziri Mixail Fedorov öz teleqram kanalında məlumat yayıb.
Fedorovun sözlərinə görə, yeni "Starlink" terminalları, xəstəxanalar, məktəblər və digər mühüm infrastruktur obyektlərində fasiləsiz rabitəni təmin edəcək. Həmçinin, bu terminalar cəbhəyanı ərazilərdə yaşayan insanlara əlaqə saxlamağa kömək edəcək.