Bakı. Trend:
Cari ilin yanvar-fevral aylarında Azərbaycanda fəaliyyət göstərən bankların cəmi kredit portfeli 114,7 milyon manat artaraq, 27,592 milyard manata çatıb.
Trend bu barədə Azərbaycan Mərkəzi Bankına istinadən xəbər verir.
Məlumata görə, bu ilin ilk iki ayında kredit portfelində olan artım ötən ilin eyni dövrü ilə müqayisədə 535,4 milyon manat və ya 5,7 dəfə azalıb.
Belə ki, ötən ilin yanvar-fevral aylarında Azərbaycanda fəaliyyət göstərən bankların cəmi kredit portfeli 650.1 milyon manat artaraq 23,833 milyard manat olmuşdu.
Qeyd edək ki, cari ilin fevralın sonuna Azərbaycanda fəaliyyət göstərən bankların kredit portfelində biznes kreditləri 14,777 milyard manat (53,5%), istehlak kreditləri 8,544 milyon manat (31%), ipoteka kreditləri 4,271 milyard manat (15,5%) paya sahib olub.