Bakı. Trend:
Bu ilin mart ayının 1-nə Azərbaycanda kommersiya banklarının depozitlərinin ümumi dəyəri 31,1 milyard manatdan çox olub.
Trend Azərbaycan Mərkəzi Bankının aylıq hesabatına istinadən xəbər verir ki, bunun 19,9 milyard manatı manatla olan depozitlər, 11,2 milyard manatı isə xarici valyutada olan depozitlər təşkil edib.
Ötən ilin eyni dövründə bu vəsaitlər müvafiq olaraq 19 milyard manat və 10,5 milyard manat həcmində olub.
Hesablamalardan aydın olur ki, ötən ilin eyni dövrü ilə müqayisədə kommersiya banklarının manatla depozitlərində 867,9 milyon manat və ya 4,6 faiz, xarici valyutada olan depozitlərində isə 734,4 milyon manat və ya 7 faiz artım baş verib.