Bakı. Trend:
Fransada “Brav-M” polis məmurları pensiya islahatına qarşı nümayiş zamanı zorakılıq tətbiq etdiklərinə görə məhkəmə qarşısına çıxarılıb.
Trend xəbər verir ki, ictimaiyyətə açıqlanan audioyazıda 2023-cü il martın 20-də Parisdə keçirilən etiraz aksiyasında polis əməkdaşlarının nümayişçilərə qarşı hədə-qorxu və təhqirlər səsləndirdiyi aşkar edilib.
23 dəqiqəlik səs yazısında polis məmurlarının təhqiramiz ifadələr işlətdiyi, saxlanılan şəxsləri, o cümlədən iki tələbəni, gənc qadın Salomeni və qrupdakı yeganə qaradərili şəxs olan Suleymanı təhdid etdiyi eşidilir.
Hadisələrdən iki il sonra polis əməkdaşları məhkəmə qarşısına çıxarılıb.