Bakı. Trend:
Əlilliyi olan şəxsə dövlət tərəfindən verilən nəqliyyat vasitəsi yararsız hala düşdükdə nə etmək lazımdır?
Trend xəbər verir ki, bu suala Sosial Xidmətlər Agentliyinin İdarə Heyəti sədrinin müavini Zaur İbrahimov “Sosial saat”ın canlı yayımda vətəndaş suallarını cavablandırarkən aydınlıq gətirib.
O bildirib ki, avtomobil təminatı bir dəfə həyata keçirilir.
"Həmin şəxlərə verilən avtomobillər Əmək və Əhalinin Sosual Müdafiəsi Nazirliyinin balansındadır. Vətəndaş həmin avtomobili sata və ya özəlləşdirə bilməz. Əlilliyə görə verilən avtomobili yararsız hala düşən şəxs Nazirliyə müraciət etməlidir.
Nazirlikdən verilən müvafiq sənədlərlə birlikdə utilizasiyaya verilə bilər. Bunun üçün vətəndaş Sosial Xidmətlər Agentliyinə müraciət edə bilər",- deyə o əlavə edib.