Bakı. Trend:
Böyük Britaniya hökuməti Luton hava limanının genişləndirilməsi planlarını təsdiqləyib.
Trend BBC-yə istinadən xəbər verir ki, layihə çərçivəsində yeni terminalın inşası və mövcud terminalın tutumunun artırılması nəzərdə tutulur.
Ötən il 16,9 milyon sərnişinə xidmət göstərən Luton hava limanı ölkənin beşinci ən işlək hava limanı olub. Genişlənmə nəticəsində illik sərnişin axınının 2043-cü ilə qədər 32 milyona çatdırılması planlaşdırılır.
Lakin ekoloji fəallar layihəyə etiraz edərək, iqlim dəyişikliyi fonunda əlavə 70 min təyyarə reysinin ətraf mühitə mənfi təsir göstərə biləcəyini bildiriblər.