Azərbaycan, Bakı, 13 yanvar /Trend, müxbir Ü.İsmayılova/
2011-ci il yanvarın 1-nə olan nəticələrə görə, Azərbaycan Dövlət Sosial Müdafiə Fondunun (DSMF) mərkəzi və ərazi şöbələrinin xəzinəsində ehtiyat fond 15 milyon manat həcmində olub. Bu barədə cümə axşamı DSMF rəhbəri Səlim Müslümov deyib.
"Dövlət Fondu təqaüdlərin vaxtında verilməsini təmin edib, 2010-cu ildə isə borclar qalmayıb", - Müslümov bildirib.
Onun sözlərinə görə, ümumilikdə 2010-cu ili Fondun fəaliyyətində uğurlu il kimi qiymətləndirmək olar.
Göstərilən dövr ərzində 2009-2015-ci illərdə pensiya sığorta sisteminin inkişafı üzrə dövlət proqramı çərçivəsində qoyulmuş məsələlər, həmçinin, sosial təminat üzrə tədbirlərin həyata keçirilməsi təmin olunub. Ötən il sentyabrın 1-dən əmək pensiyalarının baza hissəsi on manat artıb - 75 manatdan 85 manata, fevralda isə 2009-cu ilin yekunları üzrə istehlakçı qiymətlərinin indeks səviyyəsinə müvafiq olaraq, əmək pensiyalarının baza hissəsinin indeksi 1,5 faiz artıb.
Müslümovun sözlərinə görə, mühüm amillərdən biri də Fondun saytında hər bir vətəndaşa öz pensiyasının həcmini hesablamağa imkan verən pensiya hesablayıcısının yaradılmasıdır.
Yanvarın 13-nə olan rəsmi məzənnə 0,7977 AZN/USD təşkil edir.
