Azərbaycan, Bakı, 9 sentyabr /Trend, müxbir E.İsmayılov/
"Şimal-Cənub" nəqliyyat dəhlizi çərçivəsində Masallı-Astara avtomobil yolu İran sərhəddinədək 10 kilometr yerdəyişmə ilə keçəcək. Bu barədə cümə axşamı Azərbaycanın Nəqliyyat Nazirliyindəki mənbə bildirib.
Onun sözlərinə görə, bu, yolun Masallı şəhərinin yanından keçməsinin təmin olunması məqsədilə edilir.
"Müvafiq olaraq, magistralın İran tərəfdəki yeni yolla birləşmənin təmin edilməsi məqsədilə tikinti işləri aparılmalıdır", - mənbə deyib.
Masallı-Astara yolunun tikintisi Asiya İnkişaf Bankı (AİB) tərəfindən ayrılan kredit hesabına həyata keçirilir. Hazırda avtomobil yolu kənarındakı torpaq sahəsinin alınması üzrə plan yenilənir. Bununla yanaşı, avtomobil yolunun ikinci və üçüncü sahələri üçün podratçı seçilir.
AİB layihənin həyata keçirilməsi üçün əlavə 200 milyon dollar ayırıb. Bu kreditin AİB Direktorlar Şurasında 2011-ci il sentyabrın 28-də tədxiqlənəcəyi gözlənilir.
Uzunluğu 22,15 kilometr olan birinci hissənin tikintisi üçün "Azərinşaatservis" tikinti şirkəti seçilib.
Bank Masallı-Astara yolunun yenidən qurulması üzrə 200 milyon dollar ayırıb, Azərbaycan hökumətinin iştirak payı isə 49 milyon dollar təşkil edir.
Layihənin bahalaşması ilə əlaqədar məsləhətçi 2008-ci ildə hazırlanan xərclər smetasına zəruri dəyişikliklər edib. Ötən dövr ərzində tikinti materialları da bahalaşıb. Layihənin yenidən qiymətləndirilməsindən sonra onun dəyəri 400 milyon dolları ötüb.
"Şimal-Cənub" dəhlizi avtomobil, dəmir yolu və dəniz nəqliyyatı vasitəsilə yüklərin Hindistan ərazisindən Şimali və Şərqi Avropaya nəqlini nəzərdə tutur.
Dəhlizlə yük dövriyyəsinin həcmi ildə 15-20 milyon ton təşkil edə bilər.
