Azərbaycan, Bakı, 18 dekabr /Trend, müxbir H.Vəliyev/
Azərbaycan Elmlər Akademiyasının Respublika Seysmoloji Xidmət Mərkəzi (RSXM) Yer qabığının horizontal hərəkətlərinin öyrənilməsi üçün 10 GPS-stansiya quraşdırıb. Bu barədə çərşənbə axşamı Trend-ə RSXM-dən məlumat verilib.
Qlobal yerləşdirmə sistemi stansiyaları Naxçıvan MR daxil olmaqla Azərbaycan ərazisində fəaliyyət göstərən seysmoloji stansiyalar əsasında qurulub. Seysmik stansiyaların ümumi sayı 31 ədəd təşkil edir.
Əlavə olaraq 15 stansiyanın 2013-cü ilin yanvar ayında quraşdırılması planlaşdırılır. GPS-stansiyaların ümumi sayı 25 ədəd təşkil edəcək. Onlar peyk rabitəsi qəbulu ilə kosmik geodeziyanın ümumi sisteminə daxil olacaqlar.
Hazırda RSXM artıq Yer qabığının horizontal hərəkətlərinin öyrənilməsinə başlayıb.
