Bakı. Trend:
Avropa Komissiyası Qəzza zolağına 50 milyon avro məbləğində təcili humanitar yardım paketi ayıracaq.
Trend-in məlumatına görə, bu barədə Avropa Komissiyası rəhbəri Ursula fon der Leyen bildirib.
"Komissiya Qəzza üçün nəzərdə tutulan hazırkı humanitar yardım paketini dərhal 50 milyon avro artıracaq", - deyə o qeyd edib.
Onun sözlərinə görə, Avropa Komissiyası Qəzzanın günahsız vətəndaşlarına dəstək olmaq üçün hər cür səy göstərir.