Tbilisi. Trend:
Yoxsulluq böhranı ilə mübarizə səylərini gücləndirməliyik.
Trend xəbər verir ki, bu barədə Asiya İnkişaf Bankının (AİB) prezidenti Masatsuqu Asakava Tbilisidə AİB-in illik toplantılarının kuluarında jurnalistlərə deyib.
"Görüşün möhtəşəm təşkilinə görə Gürcüstana minnətdaram. Bu, Cənubi Qafqazdacəmi 2-ci görüşdür. Bir çox problemlərin arasında görüşürük. Yoxsulluq böhranı ilə mübarizə səylərini gücləndirməliyik", - o deyib.
Masatsuqu Asakava vurğulayıb ki, yoxsulluq böhranı və artmaqda olan sosial-iqtisadi qeyri-sabitliyin böyük hissəsinin həllinə dair öhdəlik dünya ictimaiyyətinin üzərinə düşür.
O qeyd edib ki, AİB məhz ümumi stratregiyanın təkcə stimul təmin etməyəcəyinə, həm də beynəlxalq əməkdaşlığın sürətini artaracağına inanan donorlarının qətiyyyətli dəstəyini yüksək qiymətləndirir. O bunun qlobal böhran şəraitində həlledici əhəmiyyət kəsb etdiyini bildirib.
"Bu əməkdaşlıq imkanları genişləndirir", - o deyib.
(Tərcümə: Rəna Əbdürəhmanova)