Bakı. Trend:
"HƏMAS" hərəkatının Livandakı nümayəndəsi Əhməd Əbdül Hadi İsrailin Misirlə birgə hazırladığı Qəzza zolağında atəşkəs və girovlar haqqında saziş layihəsi ilə bağlı konkret nəticə çıxarmaqdan çəkinib.
Trend-in məlumatına görə, bu barədə "Al Mayadeen" telekanalı xəbər verib.
Əhməd Əbdül Hadi televiziya kanalına müsahibəsində bildirib ki, hərəkat razılaşma ilə bağlı təklifləri "ciddi şəkildə araşdırsa" da, "nəticələr barədə danışmaq hələ tezdir".
O qeyd edib ki, təqdim olunan sənədlərdə “ikimənalı ola biləcək ümumi ifadələr” var.