Bakı. Trend:
"Mastercard" yenidən təşkili tədbiri çərçivəsində mövcud olduğu 80-dən çox ölkədəki şöbələrində çalışan işçilərinin 3 faizini və ya təxminən 1 min nəfərini ixtisar etmək niyyətindədir.
Trend-in məlumatına görə, bu barədə "Bloomberg" agentliyi korporativ nümayəndənin elektron poçtuna istinadən bildirib.
Məlumata əsasən, bu tədbirlər şirkətin “böyümə sahələrinə yenidən bölüşdürüləcək” resursları azad etməyə yönəlib.
"Mastercard"ın nümayəndəsi bildirib ki, azalma prosesinin böyük hissəsinin sentyabrın 30-da başa çatdırılması gözlənilir.