Azərbaycan, Bakı, 14 iyul /Trend, müxbir T.Hacıyev/
Azərbaycanın müxalif Vətəndaş və İnkişaf Partiyasının (VİP) sədri Parlament seçkilərində deputatlığa namizədliyini verəcək dairəni müəyyənləşdirib.
VİP sədri Əli Əliyev çərşənbə günü Trend-ə bildirib ki, o öz namizədliyini 17 saylı üçüncü Yasamal Seçki Dairəsindən irəli sürəcək.
Trend-in arayışı: Müxalif "Azadlıq" blokuna daxil olan Azərbaycan Xalq Cəbhəsi Partiyası Müsavat Partiyası ilə seçki bloku yaratmaq üçün danışıqlara başlamaq barədə qərar qəbul edib. Həmin qərar "Azadlıq" blokuna daxil olan digər partiyaların, o cümlədən, VİP sədrinin sərt reaksiyasına səbəb olub və blokun fəaliyyətinə xitam verilməsi elan olunub.
Bundan sonra "Azadlıq" blokuna daxil olan digər partiyalar yeni seçki blokunun yaradılacağı ehtimalı olduğunu bildirib.
"Azadlıq" blokunda üç müxalifət partiyası - Azərbaycan Xalq Cəbhəsi (AXCP), Liberal (ALP), Vətəndaş və İnkişaf (VİP) partiyaları təmsil olunur.
