Bakı. Trend:
Azərbaycanda dəmir yolu nəqliyyatı ilə 2023-cü ilin yanvar-iyul aylarında 10,6 mln. ton yük, 3753,9 min sərnişin daşınıb.
Dövlət Statistika Komitəsindən Trend-ə verilən məlumata görə, 2022-ci ilin eyni dövrü ilə müqayisədə yük daşınmasında 4,6%, sərnişin daşınmasında isə 50,8% artım müşahidə olunub.
“Orta hesabla sutkada yüklənmiş və boşaldılmış vaqonların hər birinin sayı 415-ə çatıb”, - məlumatda qeyd olunur.
Bildirilir ki, hesabat dövründə sutka ərzində dəmir yolunun Şimal istiqaməti üzrə 21 min ton, Qərb istiqaməti üzrə 2,8 min ton, Cənub istiqaməti üzrə isə 0,8 min ton yüklənmə işi yerinə yetirilib.