Bakı. Trend:
Şirvanda narkotik vasitələrin satışı ilə məşğul olan şəxs saxlanılıb.
Trend xəbər verir ki, bu barədə Daxili İşlər Nazirliyi (DİN) məlumat yayıb.
Bildirilib ki, Şirvan Şəhər Polis Şöbəsinin əməkdaşları tərəfindən keçirilən tədbirlərlə qeyd edilən cinayət əməli ilə məşğul olmaqda şübhəli bilinən, əvvəllər də narkotiklərə görə məhkum olunmuş Elmin Həsənzadə saxlanılıb.
Onun üzərindən satış məqsədilə kağız bükümlərdə qablaşdırılmış müxtəlif çəkilərdə heroin aşkar edilib.
Faktla bağlı cinayət işi başlanılıb, E.Həsənzadə barəsində məhkəmənin qərarı ilə həbs qətimkan tədbiri seçilib.