Bakı. Trend:
Azərbaycan milisinin hazırlıq planı bəlli olub.
Trend İdman.biz-ə istinadən xəbər verir ki, bunu yığmamızın məşqçisi Arif Əsədov AFFA-nın mətbuat xidmətinə açıqlayıb.
İyunda iki yoldaşlıq oyunu keçirəcək komandamız mayın 30-da təlim-məşq toplanışına başlayacaq. Yığmamız ilk günlər mövsümü bitirən futbolçularla hazırlıq keçəcək.
Üç günlük məşq prosesindən sonra komandaya istirahət veriləcək. İyunun 3-də millimiz yenidən bir araya gələcək. Həmin vaxtdan komanda tam heyətlə təlim-məşq toplanışına başlayacaq.
Qeyd edək ki, Azərbaycan millisi iyunun 7-də Albaniya, 11-də Qazaxıstanla görüşəcək. Hər iki matç Macarıstanda keçiriləcək.