Bakı. Trend:
Minsk Qrupu və onun digər təsisatlarının ləğv olunması vacib amildir.
Trend xəbər verir ki, bunu bu gün Azərbaycan Respublikasının xarici işlər naziri Ceyhun Bayramov XII Qlobal Bakı Forumu çərçivəsində jurnalistlərə açıqlamasında deyib.
"Əlavə olaraq, keçmiş münaqişənin qalıqları olan Minsk Qrupu və onun digər təsisatlarının da ləğv olunması vacib amildir", - o bildirib.
Eyni zamanda, C.Bayramov bildirib ki, sülh sazişin mətni ilə bağlı danışıqlar prosesinin yekunlaşdırılmasından sonra növbəti addım olaraq Azərbaycan tərəfinin gözləntisi ondan ibarətdir ki, Ermənistan konstitusiyasında və digər normativ hüquqi aktlarda Azərbaycanın ərazi bütövlüyü və suverenliyinə dair qalan iddiaların konstitusiya dəyişikliyi yolu ilə aradan qaldırılması baş tutsun.