Qəbələ. Trend:
Türk İnvestisiya Fondunun tez bir zamanda fəaliyyətə başlaması türk dünyasında iqtisadi əməkdaşlığın əsas elementlərindən birinə çevrilə bilər.
Trend xəbər verir ki, bunu Qazaxıstanın xarici işlər naziri Yermek Koşerbayev Türk Dövlətləri Təşkilatına üzv dövlətlərin Xarici İşlər Nazirləri Şurasının iclasında deyib.
“Bu gün TDT ümumi maraqların, birgə təşəbbüslərin irəli sürülməsi və qlobal arenada uzlaşdırılmış mövqelərin formalaşdırılması üçün ən vacib platformalardan biridir”, – o qeyd edib.
Toplantı zamanı nazirlər təşkilat çərçivəsində əməkdaşlığın gələcək inkişafı barədə fikir mübadiləsi aparıblar, həmçinin aktual beynəlxalq və regional məsələləri müzakirə ediblər.