"Azərenerji" SC ilə Yaponiyanın "Cayka" Beynəlxalq əməkdaşlıq fondu arasında protokol imzalanıb. Bu protokolda fond 220 kV gücündə olan "Müşfiq" yarımstansiyasının yenidən qurulması layihəsinin maliyyələşdirilməsi ilə bağlı öhdəlikləri öz üzərinə götürür. Bu barədə Trend ə hökumətdə bildirilib. 2006-cı ilin mayında not mübadiləsi aparılacaq və burada fondun ayırdığı qrantın məbləği göstəriləcək.
Bununla bağlı olaraq martda layihənin son qiymətləndirilməsi üçün "Cayka" missiyasının Bakıya səfəri planlaşdırılır. Hazırkı səfər çərçivəsində fondun ekspertləri Azərbaycan tərəfinə hesabat təqdim edib. Azərbaycan hökuməti fonddan $4,3 mln. istəyib, Azərbaycan tərəfinin xərcləri isə az olacaq $15 min həcmində və bu, söküntü, təmir işləri, məsləhətçilərin xidmətlərinin ödənməsi üçün vacibdir. Avadanlıq "Cayka"nın vəsati hesabına gətiriləcək və bunun üçün Yaponiya tədarükçüsü seçiləcək. Bu, fondun vacib şərtidir.
Payız-qış mövsümünə hazırlıq çərçivəsində "Azərenerji" SC 110-kilovoltluq yağ açarlarının təftişini aparıb, korroziya əleyhinə işlər həyata keçirib.
"Müşfiq"yarımstansiyası Bakı şəhərinin böyük hissəsini elektrik enerjisi ilə təmin edir.
