Bakı. Trend:
İraqın Salah-əd-Din əyalətində Hilva hava limanından qalxan hərbi helikopter qəzaya uğrayıb.
Trend xəbər verir ki, bu barədə İraq Müdafiə Nazirliyi məlumat yayıb.
Məlumata görə, hadisə əyalət şuralarına seçkilərdə təhlükəsizliyin təmin olunması üzrə missiyanın icrası zamanı baş verib. Hadisəyə iki helikopterdən birində baş verən texniki nasazlıq səbəb olub.
Qəza nəticəsində aviasiya polkovniki Marvan Calal həlak olub. Pilot kapitan Alaa Salman isə yaralanıb.