Bakı. Trend:
Amerikalı sahibkar Elon Mask bildirib ki, ABŞ prezidenti Co Bayden administrasiyası qeyri-qanuni immiqrasiyaya göz yumur.
Trend xəbər verir ki, bu barədə o, X sosial şəbəkəsindəki səhifəsində yazıb.
"Bu administrasiya qeyri-qanuni immiqrasiyaya fəal şəkildə kömək edir" deyə o, ABŞ səlahiyyətlilərini ittiham edib.
Bundan əvvəl ABŞ-ın keçmiş prezidenti Donald Tramp söz vermişdi ki, 2024-cü ildə keçiriləcək prezident seçkilərində qalib gəlsə, ölkənin cənub sərhədini “möhürləyəcək”. O, həmçinin Birləşmiş Ştatların bütün siyasi qüvvələrini birləşməyə və “vəziyyəti düzəltməyə” çağırıb.