Azərbaycan, Gəncə / Trend , müxbir V.Məmmədov/ Yanvar-iyul aylarında Gəncə şəhər Narkoloji Dispanserində 40 xəstə qeydiyyata düşüb. Ötən ilin müvafiq dövründə isə cəmi 33 xəstə qeydiyyata alınıb. Hazırda dispanserdə qeydiyyatda ümumilikdə 380 xəstə var. Onlar əsasən 25-40 yaş həddindədirlər.
Bu barədə bazar ertəsi Gəncə şəhər Narkoloji Dispanserinin baş həkimi Sahil İsmayılov məlumat verib. Onun sözlərinə görə, bu il qeydə alınan xəstələrdən 16-sı xroniki alkoqol, 28-i narkotik maddə aludəçisi, 6-sı isə narkotik vasitələrlə əlaqədar məhkum edilənlərdir. Baş həkim bildirib ki, narkoloji xəstələrin sayı həqiqətdə qeydiyyata alınandan azı iki dəfə çoxdur.
Gəncə paytaxt Bakıdan 365 kilometr qərbdə yerləşir.