Azərbaycan, Bakı, 19 avqust/ Trend Cap , müxbir İ.Xəlilova/ Azərbaycanın İxrac və İnvestisiyaların Təşviqi Fondu (AZPROMO) gürcü-osetin münaqişəsi ilə bağlı qeyri-sabit vəziyyətə görə, Gürcüstanda tədbirlərin keçirilməsinə dair planlarını təxirə salıb. Bu barədə çərşənbə axşamı AZPROMO -nun İxracın Təşviqi Departamentinin direktoru Emil Əliyev məlumat verib.
"Gürcüstan üzrə tədbirlər qeyri-müəyyən müddətə təxirə salınıb", - o bildirib.
AZPROMO payızda birinci Azərbaycan - Gürcüstan biznes-forumunu keçirməyə hazırlaşırdı. Ölkənin tikinti sektoru, məişət xidməti (elektrik cihazlarının, ev və ofis mebelinin istehsalı) sahəsində uğrularını nəzərə alaraq, Azərbaycan şirkətləri Gürcüstana öz xidmətlərini təklif edə bilərdirlər.
Əliyev hazırki mərhələdə Gürcüstanda AZPROMO-nun nümayəndəlik ofisinin açılmasının da aktual olmadığını hesab edir. Belə ki, onun yerli şirkətlərin maraqlarının təmsil olunması və gürcü biznes-dairələrində əlaqələrin tapılması üçün yaradılması tələb olunur. Yaranmış vəziyyətdə işgüzar insanlar gürcü həmkarları ilə əlaqələrin qurulmasına ehtiyatla yanaşacaqlar.
Hazırda Gürcüstan bazarında təmsil olunan şirkətlər müstəqil şəkildə işləyirlər. Gürcüstanda Azərbaycan Dövlət Neft Şirkətinin layihələri realizə edilir, həmçinin, Beynəlxalq Bank və Qafqaz İnkişaf Bankı təmsil olunub.
Bu hadisələr başlayanadək müxtəlif fəaliyyət sahələrində Gürcüstanda müəssisələr yaratmaq istəyən potensial azərbaycanlı sərmayədarların olduğu bəyan edilirdi.
"Biz onlarla görüşlər keçirmişik; onlar Gürcüstanın TBC Bank-nın Azərbaycan bazarında iştirakından istifadə etmək istəyirlər, - TBC Credit bank olmayan kredit təşkilatının kapitalında 75 faiz səhmə malik TBC Bank-ın Baş direktor müavini Zezva Tsiskarişvili hələ mayda Bakıya səfəri zamanı söyləyib. Bizim Gürcüstandakı layihələri maliyyələşdirmək və Azərbaycanda daşınmaz əmlakı girov götürmək imkanımız var. Bu azərbaycanlı sərmayədarlar üçün çox vacibdir, belə ki AR-da daşınmaz əmlakı girov qoyaraq Gürcüstanda kredit götürə bilərlər".
Onun sözlərinə görə, Gürcüstan və Azərbaycanın iş adamaları üçün ticarət və istehsal sahəsində birgə layihələrin realizəsi maraq kəsb edir. Onlar öz mallarını Azərbaycan bazarına çıxarmaq istəyirlər və TBC Bank Azərbaycandakı törəmə şirkət - TBC Credit vasitəsilə maliyyələşdirmə yolu ilə AR-a sərmayə yatırılması prosesində onlara fəal yardım edəcək.
"Bu yalnız başlanğıc olacaq və düşünürəm ki, iki ölkənin çox sayda sərmayədarının bir-birinin bazarında iştirak etməsi gələcəkdə bizim üçün çox yaxşı amil olacaq və bu da inteqrasiyaya imkan yaradır", - Tsiskarişvili bildirib.
Avqustun 19-na olan cari məzənnə -- 0,8151 AZN/USD.
Müəlliflə əlaqə saxlamaq üçün elektron ünvan: cap
