Bakı. Trend:
Atlanta hava limanında təyyarə təkərinin partlaması nəticəsində iki nəfər ölüb
Trend USA Today-ə istinadən xəbər verir ki, Corciya ştatının Atlanta şəhərindəki Hartsfild-Cekson Beynəlxalq Hava Limanında təyyarənin təkərini dəyişdirərkən baş verən partlayış nəticəsində Delta Air Lines-in iki əməkdaşı ölüb, bir nəfər isə yaralanıb.
“Delta Air Lines”in məlumatına görə, insident təyyarəyə texniki xidmət stansiyasında baş verib. Hadisənin səbəbi hələlik məlum deyil, araşdırma aparılır.
Atlanta hava limanı əvvəlcə xəbərləri şərh etməyib. Daha sonra mətbuat xidməti "X" sosial şəbəkəsində ölən və yaralananların ailələrinə başsağlığı verib.