Azərbaycan, Bakı, 16 oktyabr /Trend, müxbir M.Əliyev/
Sankt-Peterburqda MDB-yə üzv ölkələrində korrupsiyaya qarşı mübarizə sahəsində qanunvericiliyin təkmilləşdirilməsi müzakirə ediləcək.
Milli Məclisin mətbuat xidmətindən bazar günü Trend-ə bildiriblər ki, oktyabrın 20-dən 23-dək Sankt-Peterburqda MDB Parlament Assambleyasının Təhlükəsizlik və müdafiə məsələləri komissiyasının iclası keçiriləcək.
İclasda ştirak etmək Milli Məclisin deputatı İqbal Məmmədov oktyabrın 19-da Sankt-Peterburqa gedəcək.
İclasda ekstremizmə, insan alverinə, korrupsiyaya qarşı mübarizə sahəsində qanunvericiliyin təkmilləşdirilməsi və digər məsələlər müzakirə olunacaq.