Gürcüstan, Tbilisi, 13 oktyabr / Trend , müxbir N.Kirtsxaliya/
Gürcüstanın iqtisadi inkişaf naziri Zurab Pololikaşvili biznesmenlərə iqtisadi inkişafın yeni strategiyasını hazırlamaqda əməkdaşlıq təklif edib.
200 gürcü və əcnəbi biznesmenlərlərlə "Tbilisi Mariot" mehmanxanasında keçirilən görüşdə nazirin bildirdiyi kimi, üç illik dövrü əhatə edən strategiya yarım ildən sonra hazır olacaq və onun hazırlanmasında həm gürcü, həm də xarici ekspertlər iştirak edəcək.
Pololikaşvili həmçinin bildirib ki, sözügedən sənəd böhrandan sonrakı dövrdə iqtisadi inkişafın yeni dalğasının təməli olacaq. Steategiyanın yaradılması məqsədilə ölkə rəhbərliyi növbəti həftədən biznesmenlərlə fasiləsiz görüşlərə başlayacaq.
Nazirin sözlərinə əsasən, bu, ölkədə liberal iqtisadiyyatın əsaslarını təsdiqləyəcək "iqtisadi azadlıq aktı"nın davamı olacaq.
Məqalə müəllifi ilə əlaqə ünvanı:[email protected]
