Azərbaycan, Bakı/ Trend müxbir S.Əliyev/ Azərbaycan Dövlət Neft Şirkəti Azeri Drilling Company BM-in "Günəşli" yatağının azsulu hissəsində quyuların təmirinə cəlb olunması imkanlarını nəzərdən keçirilir. Bu barədə çərşənbə axşamı ARDNŞ-dən məlumat verilib. Hazırda bu işləri Nobel oil şirkəti həyata keçirir, yaxın zamanlarda isə şirkətlə ARDNŞ arasında olan müqavilə başa çatmaq üzrədir.
Azeri Drilling Company BM-in təsisçiləri isə bunlardır: Azərbaycan dövlət Neft Şirkəti - 35 faiz, Panama Respublikasında qeydiyyatdan keçmiş "Target Petroleum Azerbaijan Corporation" - 35 faiz, "First Drilling Limited" (Şotlandiya) - 30 faiz.
Müəssisənin fəaliyyət dairəsinə neft və qaz quyularının qazılması (həmçinin horizontal və xüsusi qazmalar), sementləmə və quyuların möhkəmləndirilməsi, mənimsəmə, tam və yeraltı təmir, geofiziki araşdırmalar və perforasiya daxildir.
BM-in əsas vəzifəsi ən müasir texnika və avadanlıqdan istifadə etməklə dərin "8 mart" və "Bulla-dəniz" yataqlarında qazma işləri olacaq. Bu ərazidə 6,5 min metr dərinlikdə 8 quyunun qazılması planlaşdırılır. Hazırda "8 mart" yatağında üç platformada (№730, №759 və №578) təcili təmir işləri aparılır. Burada yeni qazma qurğuları quraşdırılacaq.