Bakı. Trend:
Londonda Vestminster körpüsü üç nəfərin yaralanması ilə nəticələnən bıçaqlı hücumdan sonra müvəqqəti olaraq bağlanıb.
Trend Daily Mail-ə istinadən xəbər verir ki, hadisə parlament binasının yaxınlığında baş verib. Şahidlərin sözlərinə görə, "bir nəfər turistlərin gözü qarşısında bıçaqlanıb", bu isə ərazidə ciddi narahatlıq yaradıb.
Polis hadisəni "təcrid olunmuş insident" kimi qiymətləndirib və terror aktı ilə əlaqəsi olmadığını bildirib. Hücumla bağlı dörd nəfər saxlanılıb. Onlardan üçü adam öldürməyə cəhd, biri isə davada iştirak etməkdə ittiham olunur.
Hazırda ərazidə istintaq tədbirləri davam etdirilir.