Bakı. Trend:
Azərbaycan millisi ilə oyunlara hazırlıq çərçivəsində Rusiyanın qadınlardan ibarət milli komandasının heyəti açıqlanıb.
Trend-in məlumatına görə, heyətə 23 futbolçu daxil edilib. Rusiya yığması noyabrın 24-dən dekabrın 3-dək təlim-məşq toplanışında iştirak edəcək.
Azərbaycan millisi ilə oyunlar noyabrın 28-də və dekabrın 2-də keçiriləcək. Bu iki yoldaşlıq görüşü Soçi şəhərində baş tutacaq.
Qeyd edək ki, qarşıdakı matçlar hər iki komanda üçün təcrübə toplamaq və oyun taktikasını təkmilləşdirmək baxımından önəmli olacaq.