Bakı. Trend:
Səhiyyə Nazirliyi Milli Məclisin komitə iclasında millət vəkili Səyyad Aranın səhiyyə naziri tərəfindən rayonlarda vətəndaş qəbullarının keçirilməsi ilə bağlı səsləndirilən fikirlərə aydınlıq gətirib.
Nazirkdən bildirilib ki, Səhiyyə Nazirliyində vətəndaşların qəbulu müəyyən edilmiş qrafik əsasında nazir və digər rəhbər vəzifəli şəxslər tərəfindən həyata keçirilir.
"Nazirliyin rəsmi internet səhifəsində vətəndaş qəbulu ilə bağlı
müvafiq məlumatlar yerləşdirilir.
Bu baxımdan, sözügedən fikirlərin ictimaiyyət tərəfindən düzgün
anlaşılması üçün qeyd olunan səlahiyyət bölgüsünün nəzərə alınması
vacibdir. Qeyd edək ki, rayon və şəhərlərdə səhiyyə sahəsi ilə
bağlı vətəndaş qəbullarının keçirilməsi Səhiyyə Nazirliyinin deyil,
Tibbi Ərazi Bölmələrini İdarəetmə Birliyinin (TƏBİB) səlahiyyətləri
çərçivəsində həyata keçirilir", - deyə məlumçatda qeyd edilib.
Qeyd edək ki, S.Aran səhiyyə nazirinin qəbuluna düşməyin müşkül olduğunu bildirib. O qeyd edib ki, əvvəlcədən nisbətən yumşaq, zərərsiz çıxışları olan adamları siyahıya alıb içəri buraxırlar, əsl şikayəti olanlar isə nazirə sözünü deyə bilmir.
